पिकलं पान...

आठवते का गं तुला ती रात्र ?

प्रेमाच्या रंगमंच्यावर दोन नवी पात्रं !

वारा तूफान वाहणारा

चंद्ररंगात न्हायलेला

रातराणीला जागवणारा

आठवतोय का ?

कोसळणारा पाउस

मातीच्या उरात धडधड

मग ओल्या मातीतून आलेला गंध

आठवतोय का ?

रात्रीच्या भयाणतेवर स्वार होउन

किर्र दाटलेला अंधार

आणि अंधारात माखलेला तूझा माझा संवाद

आठवतोय का ?

नकळत झालेला तूझा थंड स्पर्श

गात्र गात्र फूलवीत अजाण हर्ष

बिजलीचा कहर आणि फाटलेल आभाळ

आठवतंय का ?

अशा किती वळणांसारखं

ते वळणही आपण वळलो

अता एकाच वाटेवर

उलट दिशेनं जाणारे आपण दोघे

तुला दिसतोय का ?